SİYASƏT
Yepiskop: Dini liderlərin Bakı Sammiti dinlərarası anlaşmanın güclənməsi baxımından mühüm əhəmiyyət daşıyır
Bakı, 5 noyabr, AZƏRTAC
Dünya dini liderlərinin qlobal Bakı Sammitində iştirak etməsi və müzakirələrə qoşulması qlobal dialoqun və dinlərarası anlaşmanın güclənməsi baxımından mühüm əhəmiyyət daşıyır. Bu Sammit müxtəlif mədəniyyət və inancları bir araya gətirməklə sülh, harmoniya və ortaq problemlərin həlli üçün vacib bir platforma yaradır.
Bunu AZƏRTAC-a müsahibəsində Panama yepiskopu Xulio Ernesto Murray Thompson deyib.
Dünyanın hər yerindən müxtəlif din nümayəndələrinin bir araya gəldiyini qeyd edən yepiskop bildirib: “Burada çox fərqli mədəniyyətlər və dinlər var. Ancaq tədbirin mövzusu hər kəsin ortaq problemidir. Platforma dini liderlərin iqlim dəyişikliyi barəsində danışmaq istədiyi məsələlər üçün ideal məkandır. Çünki burada insan həyatının önəmindən bəhs edilir. Müzakirələrdən konkret addımlara keçməyimizin vaxtıdır”.
