Yüksək Liqa: Əsas mərhələnin sonuncu tur oyunlarının vaxtı dəqiqləşib
Bakı, 12 mart, AZƏRTAC
Kişi və qadın voleybolçular arasında Azərbaycan çempionatlarında əsas mərhələnin sonuncu tur oyunlarının vaxtı dəqiqləşib.
AZƏRTAC xəbər verir ki, dörd dövrədən və pley-off mərhələsindən ibarət olan çempionatların son turu martın 14-15-də keçiriləcək.
Martın 14-də qadın voleybolçuların Yüksək Liqasının XII turunda “Abşeron” klubu “Murov”la, “Azərreyl” isə UNEC-lə qarşılaşacaq.
Martın 15-də kişi voleybolçuların Yüksək Liqasında sonuncu tur çərçivəsində MOİK-lə “Neftçi”, “Xarı bülbül”lə isə “Murov” üz-üzə gələcək.
Qeyd edək ki, dörd dövrənin nəticələrinə görə, turnir cədvəlində birinci olan komanda dördüncü yerin sahibi ilə, ikinci olan komanda isə üçüncü yeri tutan klubla üz-üzə gələcək. Yarımfinal mərhələsi iki qələbəyə, final mərhələsi isə üç qələbəyə kimi oynanılacaq.
Yüksək Liqa (qadınlar)
16:00 “Abşeron” - “Murov” (CBC sport-canlı)
18:00 “Azərreyl” - UNEC
Yüksək Liqa (kişilər)
16:00 MOİK - “Neftçi”
18:00 “Xarı bülbül” - “Murov”
Oyunlar Voleybol Mərkəzində keçiriləcək, giriş sərbəstdir.
Bölmənin digər xəbərləri
