ZAQATALADA BİTKİÇİLİK MƏHSULLARININ YIĞIMI BAŞA ÇATMIŞDIR
Bu il rayonda 22 min 392 ton payızlıq taxıl və 22 min 645 ton dən qarğıdalı istehsal olunmuşdur ki, bu da keçən illə müqayisədə müvafiq olaraq, 451 və 228 ton çoxdur. Əvvəlki illə müqayisədə tütün istehsalı 119 ton artaraq, 3 min 221 tona çatmışdır.
Kartof istehsalı ötən ilə nisbətən 110 ton, tərəvəz istehsalı 323 ton, yaşıl çay istehsalı isə 5,5 ton artmış, 17 ton gül ləçəyi yığılmışdır.
Meyvəçilikdə isə, xüsusilə rekord göstəricilər əldə edilmişdir. Dekabrın 1-dək rayonda 21 min 606 ton meyvə tədarük olunmuşdur ki, bu da ötən illə müqayisədə 3,3 dəfə çoxdur. Fındıq tədarükü keçən ilə nisbətən 6,1 dəfə çoxalaraq, 9 min 420 tona çatmışdır.
Hazırda rayonun fermer təsərrüfatlarında payızlıq taxıl səpini davam edir.
Bölmənin digər xəbərləri
