ZAQATALADA ULU ÖNDƏRİN XATİRƏSİNƏ HƏSR OLUNMUŞ İDMAN YARIŞLARI KEÇİRİLİR
Ümummilli liderimiz Heydər Əliyevin 85 illik yubileyi ilə əlaqədar Zaqatalada idman tədbirləri, rayon birincilikləri davam edir.
Gənclər və idman idarəsindən AZƏRTAC-ın müxbirinə bildirmişlər ki, mayın 2-də Yuxarı Çardaxlar kənd stadionunda yeniyetmələr arasında sərbəst güləş üzrə rayon birinciliyi keçirilmişdir. 10 çəki dərəcəsi üzrə keçirilən yarışlarda 270 nəfərə yaxın idmançı iştirak etmişdir. Birinciliyin qalibləri gənclər və idman idarəsinin fəxri fərmanları və qiymətli hədiyyələri ilə mükafatlandırılmışlar.
Bir neçə gün əvvəl başa çatan ulu öndərin xatirəsinə həsr olunmuş cüdo üzrə açıq Zaqatala birinciliyinə isə yerli idmançılarla yanaşı, Şəki, Balakən və Qax rayonlarının, Bakının “Neftçi” və “İnter” klublarının, habelə Gürcüstanın Laqodexi rayonunun təmsilçiləri qatılmışlar. Zaqatala Olimpiya-İdman Kompleksində keçirilən turnirdə 350 nəfərə yaxın idmançı iştirak etmişdir.
Qaliblərə mükafatlar təqdim edilmişdir.
Hazırda Zaqatalada ümummilli liderin xatirəsinə həsr olunmuş futbol üzrə rayon birinciliyi davam edir. Birinciliyin final oyunu mayın 8-də keçiriləcəkdir.
Bölmənin digər xəbərləri
