ZAQATALANIN KƏNDLƏRİNDƏ YENİ POÇT BİNALARI İSTİFADƏYƏ VERİLMİŞDİR
Bu münasibətlə keçirilən mərasimlərdə çıxış edən Zaqatala Rayon İcra Hakimiyyətinin başçısı Asif Əsgərov, rayon poçtamtının müdiri Namidə Süleymanova, telekommunikasiya qovşağının rəisi Məmməd Arazov və digər natiqlər yeni rabitə obyektlərinin istifadəyə verilməsi ilə əlaqədar kənd sakinlərini təbrik etmiş, ölkəmizdə milli rabitənin dünya standartları səviyyəsində inkişafı sahəsində həyata keçirilən tədbirlər barədə danışmışlar. Natiqlər ucqar yaşayış məntəqələrində rabitə xidməti şəbəkəsinin genişləndirilməsi və müasirləşdirilməsi istiqamətində Rabitə və İnformasiya Texnologiyaları Nazirliyinin səmərəli fəaliyyətini yüksək qiymətləndirmiş, rayon poçtamtının kollektivinə uğurlar arzulamışlar.
Rəmzi açılışı bildirən lent kəsildikdən sonra yeni binalara baxış keçirilmişdir. Müasir texniki avadanlıq və inventarlarla təchiz edilmiş yeni poçt şöbələrində əhaliyə geniş çeşiddə xidmət göstərmək üçün hər cür şərait yaradılmışdır.
Bölmənin digər xəbərləri
