Zelenski: Ukrayna hava hücumlarını dayandırmağa hazırdır
Kiyev, 17 fevral, AZƏRTAC
Cenevrədə üçtərəfli danışıqların birinci raundu başa çatdı. Ukrayna nümayəndə heyəti Amerika tərəfi ilə hava hücumlarından çəkinmək barədə razılaşmaya riayət etməklə bağlı əsas məsələni qaldırmağı planlaşdırır.
AZƏRTAC xəbər verir ki, bunu Ukrayna Prezidenti Volodimir Zelenski açıqlamasında bildirib.
Prezidentin sözlərinə görə, Ukrayna hava hücumlarını dayandırmağa və sülh razılaşmasına doğru irəliləməyə hazır olduğunu təsdiqləyir, lakin Rusiyadan aydın mövqe gözləyir.
"Ukrayna nümayəndə heyəti mütləq hava hücumlarının dayandırılması məsələsini qaldırmalıdır. Ukrayna hazırdır. Bizə müharibə lazım deyil", - deyə Zelenski bildirib.
O, Ukraynanın müharibəni davam etdirməkdə maraqlı olmadığını və dövlətini, müstəqilliyini müdafiə edərək "güzgü" kimi hərəkət etdiyini vurğulayıb.
Prezident əlavə edib ki, əsas sual Rusiya üçün qalır: əsl diplomatiya və sülhə hazır olacaq və ya raket və pilotsuz təyyarə hücumlarını davam etdiriləcək?
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
