Zimbabvenin Vitse-prezidenti: Gözəl və tarixi Bakı şəhərində səmimiyyətlə qarşılanmışıq
Bakı, 18 may, AZƏRTAC
Biz gözəl və tarixi Bakı şəhərinə gəlişimizdən bəri yalnız qonaqpərvərlik görmüşük, səmimiyyətlə qarşılanmışıq. Dövlət və hökumət başçılarının 13-cü Ümumdünya Şəhərsalma Forumunda iştirakı dayanıqlı şəhər inkişafı ilə bağlı qlobal müzakirənin yüksəlişini və prioritetləşməsini nümayiş etdirir.
AZƏRTAC xəbər verir ki, bu sözləri Ümumdünya Şəhərsalma Forumunun 13-cü Sessiyasının (WUF13) Liderlər Sammitində Zimbabve Respublikasının Vitse-prezidenti Konstantino Quveya Dominik Nyikadzino Çivenqa deyib.
Onun sözlərinə görə, 13-cü Ümumdünya Şəhərsalma Forumu qlobal əməkdaşlığı inkişaf etdirməli, siyasi iradəni və praktiki strategiyaları gücləndirməlidir ki, qlobal yaşayış yerləri böhranlarının həlli yolları tapılsın.
“Bu toplantıdakı kollektiv məsuliyyətimiz bəyannamələrin qəbul edilməsindən daha çox icra və ölçüləbilən irəliləyiş üçün yenilənmiş öhdəliyə çevrilməlidir. Xalqlarımız və gələcək nəsillər üçün ümidverici bir gələcəyin vədini birlikdə yerinə yetirə bilərik”, - deyə Zimbabvenin Vitse-prezidenti bildirib.
Bölmənin digər xəbərləri
