“Zirə” klubu Premyer Liqada növbəti qələbəsini qazanıb
Bakı, 3 dekabr, AZƏRTAC
Dekabrın 3-də futbol üzrə Azərbaycan Premyer Liqasının XIV turu çərçivəsində növbəti oyun keçirilib.
AZƏRTAC xəbər verir ki, “Səbail” klubu öz meydanında “Zirə” kollektivini qəbul edib.
Matç qonaqların minimal hesablı qələbəsi ilə başa çatıb - 0:1. “Zirə”nin futbolçusu Nağıyev matçın 39-cu dəqiqəsində komandasına qələbə qazandıran qolu vurub.
Bu qələbə ilə “Zirə” klubu hesabındakı xallarının sayını 30-a çatdırıb və üçüncü yerdəki mövqeyini möhkəmləndirib.
Turnir cədvəlinə 34 xalla “Qarabağ” klubu başçılıq edir. “Qəbələ” 31 xalla ikinci pillədə qərarlaşıb. Turnir cədvəlinin autsayderi olan “Kəpəz”in isə cəmi 7 xalı var.
Bölmənin digər xəbərləri
