Zvonimir Boban: “Qarabağ” pis oynamadı, sadəcə, “Napoli” çox yaxşı müdafiə olundu
Bakı, 26 noyabr, AZƏRTAC
“Napoli” bu mövsüm bəlkə də ilk dəfədir bu qədər kompakt oyun nümayiş etdirdi. Sürətli keçidlərlə “Qarabağ”ın işini çətinləşdirdilər.
AZƏRTAC xəbər verir ki, bu sözləri Xorvatiya millisinin və İtaliyanın “Milan” klubunun sabiq yarımmüdafiəçisi Zvonimir Boban UEFA Çempionlar Liqasının əsas mərhələsində “Napoli”nin İtaliyada “Qarabağ”a 2:0 hesabı ilə qalib gəldiyi matçı “Sky Sports”a şərh edərkən deyib.
Hazırda Xorvatiyanın “Dinamo” (Zaqreb) klubunun prezidenti olan 57 yaşlı funksionerin sözlərinə görə, Azərbaycan təmsilçisi ümumilikdə yaxşı çıxış etsə də, neapollular müdafiədə son dərəcə möhkəm və aqressiv oynayıblar: “Qarabağ” pis oyun göstərmədi, sadəcə, İtaliya klubu çox yaxşı müdafiə olundu. Hücumlarda da aktiv idilər. Bu qarşılaşmada çox ciddi və tam konsentrasiya olunmuş “Napoli” gördüm”.
Keçmiş futbolçu xüsusilə “Napoli”nin hər iki qolunun müəllifi olan Skott MakTomineyin çıxışını yüksək qiymətləndirib: “O, həmişə fərq yarada bilən qeyri-adi futbolçudur. “Qarabağ”la matçda da qol vuraraq bunu sübut etdi”.
Bölmənin digər xəbərləri
