Qax və Balakən məktəblərində ilk zəng səslənib VİDEO
Qax-Balakən, 15 sentyabr, Mustafa Dadaşov, AZƏRTAC
Yeni dərs ilinin ilk günündə Qax rayonunun İlisu kəndindəki Nizami Gəncəvi adına tam orta məktəbin müəllim və şagirdləri ikiqat bayram sevinci yaşayıblar. Sentyabrın 15-də kənd məktəbi əsaslı təmirdən sonra yenidən qapılarını şagirdlərin üzünə açıb.
AZƏRTAC xəbər verir ki, yeni dərs ilinin başlanması münasibətilə keçirilən tədbirdə məktəbin direktoru Elmira İbrahimova Azərbaycanın ən qədim və zəngin təhsil ənənələrinə malik olan İlisu məktəbinin qazandığı uğurlardan danışıb. Bildirilib ki, bir əsrdən çoxdur fəaliyyət göstərən respublikamızın bu qocaman təhsil ocağının məzunları arasında yüzdən çox alim, mindən artıq ali təhsilli mütəxəssis var. Ötən tədris ilində məktəbin məzunlarından 8 nəfəri ali məktəblərə qəbul imtahanlarında iştirak edib, onlardan 4-ü tələbə adını qazanıb, 3 nəfər orta ixtisas məktəblərinə daxil olub. Bu tədris ilində məktəbdə 107 şagird təhsil alacaq, onların təlim-tərbiyəsi ilə 35 müəllim məşğul olacaq.
Rayon təhsil şöbəsinin müdiri Məmməd Xasıyev ölkəmizdə təhsilin inkişafına göstərilən yüksək dövlət qayğısı, rayonun təhsil müəssisələrinin maddi-texniki bazasının möhkəmləndirilməsi istiqamətində həyata keçirilən tədbirlər barədə söz açıb. Bildirilib ki, son illər rayonda müxtəlif maliyyə mənbələri hesabına 23 yeni məktəb binası, həmçinin 4 məktəb üçün 14 əlavə sinif otağı tikilib, 2 məktəb binası əsaslı təmir olunub. Hazırda 4 kənddə modul tipli məktəb binalarının quraşdırılması davam etdirilir.
Təhsil Şöbəsinin müdiri İlisu kənd məktəbinin əsaslı təmirinə göstərdiyi köməyə görə İkinci Azərbaycan Kənd İnvestisiya Layihəsinin (AzKİL-2) rəhbərliyinə məktəb kollektivi adından minnətdarlığını bildirib.
Təbrik və çıxışlardan sonra yeni dərs ilinin başlandığını bildirən ilk zəng çalınıb və şagirdlər uzun sürən yay tətili günlərindən sonra yenidən məktəb partası arxasında əyləşiblər. Bütün siniflərdə ilk dərs “Cocuq Mərcanlı - tarixi qayıdışın başlanğıcı” mövzusuna həsr olunub.
Ümumiyyətlə, yeni dərs ilində Qax rayonunun 54 ümumtəhsil məktəbində 7104 şagird təhsil alacaq. Onlardan 667 nəfəri birinci sinif şagirdləridir. Bütün məktəblərdə yeni dərs ilinə ciddi hazırlıq işləri görülüb, binalarda cari təmir işləri aparılıb, məktəblər zəruri inventar və avadanlıqla təchiz edilib. Yeni dərs ili ərəfəsində məktəblərə 148 adda 17 min 530 ədəd dərslik və 58 adda 1338 ədəd müəllim vəsaiti paylanılıb.
X X X
Balakən rayonunun Sarıbulaq və Salban kənd ibtidai məktəblərinin kollektivləri Bilik günündə dəyərli bayram hədiyyəsi alıblar. Sentyabrın 15-də bu kəndlərdə 40 və 20 şagird yerlik modul tipli məktəb binaları müəllim və şagirdlərin istifadəsinə verilib.
AZƏRTAC xəbər verir ki, bu münasibətlə keçirilən mərasimlərdə rayon icra hakimiyyətinin başçısı İslam Rzayev çıxış edərək, məktəb kollektivlərini əlamətdar gün münasibətilə təbrik edib, onlara yeni dərs ilində uğurlar arzulayıb. Bildirilib ki, əsası ümummilli lider Heydər Əliyev tərəfindən qoyulmuş təhsil islahatları proqramı hazırda Prezident İlham Əliyev tərəfindən uğurla davam etdirilir, təhsilin keyfiyyətinin, maddi-texniki bazasının möhkəmləndirilməsi istiqamətində davamlı iş aparılır. Diqqətə çatdırılıb ki, son illər Balakən rayonunda 32 yeni məktəb binası inşa edilib, 2 məktəb əsaslı təmir olunub.
Həmin gün rayonun 48 ümumtəhsil məktəbində, həmçinin inteqrasiya təlimli internat tipli gimnaziyada yeni dərs ilinin başlanması münasibətilə ilk zəng mərasimləri keçirilib. Yeni dərs ilində rayonun məktəblərində 11 min 800 şagird təhsil alacaq. Onların təlim-tərbiyəsi ilə 1620 nəfər müəllim məşğul olacaq.
![Qax və Balakən məktəblərində ilk zəng səslənib VİDEO]()
Qax-Balakən, 15 sentyabr, Mustafa Dadaşov, AZƏRTAC
Yeni dərs ilinin ilk günündə Qax rayonunun İlisu kəndindəki Nizami Gəncəvi adına tam orta məktəbin müəllim və şagirdləri ikiqat bayram sevinci yaşayıblar. Sentyabrın 15-də kənd məktəbi əsaslı təmirdən sonra yenidən qapılarını şagirdlərin üzünə açıb.
AZƏRTAC xəbər verir ki, yeni dərs ilinin başlanması münasibətilə keçirilən tədbirdə məktəbin direktoru Elmira İbrahimova Azərbaycanın ən qədim və zəngin təhsil ənənələrinə malik olan İlisu məktəbinin qazandığı uğurlardan danışıb. Bildirilib ki, bir əsrdən çoxdur fəaliyyət göstərən respublikamızın bu qocaman təhsil ocağının məzunları arasında yüzdən çox alim, mindən artıq ali təhsilli mütəxəssis var. Ötən tədris ilində məktəbin məzunlarından 8 nəfəri ali məktəblərə qəbul imtahanlarında iştirak edib, onlardan 4-ü tələbə adını qazanıb, 3 nəfər orta ixtisas məktəblərinə daxil olub. Bu tədris ilində məktəbdə 107 şagird təhsil alacaq, onların təlim-tərbiyəsi ilə 35 müəllim məşğul olacaq.
Rayon təhsil şöbəsinin müdiri Məmməd Xasıyev ölkəmizdə təhsilin inkişafına göstərilən yüksək dövlət qayğısı, rayonun təhsil müəssisələrinin maddi-texniki bazasının möhkəmləndirilməsi istiqamətində həyata keçirilən tədbirlər barədə söz açıb. Bildirilib ki, son illər rayonda müxtəlif maliyyə mənbələri hesabına 23 yeni məktəb binası, həmçinin 4 məktəb üçün 14 əlavə sinif otağı tikilib, 2 məktəb binası əsaslı təmir olunub. Hazırda 4 kənddə modul tipli məktəb binalarının quraşdırılması davam etdirilir.
Təhsil Şöbəsinin müdiri İlisu kənd məktəbinin əsaslı təmirinə göstərdiyi köməyə görə İkinci Azərbaycan Kənd İnvestisiya Layihəsinin (AzKİL-2) rəhbərliyinə məktəb kollektivi adından minnətdarlığını bildirib.
Təbrik və çıxışlardan sonra yeni dərs ilinin başlandığını bildirən ilk zəng çalınıb və şagirdlər uzun sürən yay tətili günlərindən sonra yenidən məktəb partası arxasında əyləşiblər. Bütün siniflərdə ilk dərs “Cocuq Mərcanlı - tarixi qayıdışın başlanğıcı” mövzusuna həsr olunub.
Ümumiyyətlə, yeni dərs ilində Qax rayonunun 54 ümumtəhsil məktəbində 7104 şagird təhsil alacaq. Onlardan 667 nəfəri birinci sinif şagirdləridir. Bütün məktəblərdə yeni dərs ilinə ciddi hazırlıq işləri görülüb, binalarda cari təmir işləri aparılıb, məktəblər zəruri inventar və avadanlıqla təchiz edilib. Yeni dərs ili ərəfəsində məktəblərə 148 adda 17 min 530 ədəd dərslik və 58 adda 1338 ədəd müəllim vəsaiti paylanılıb.
X X X
Balakən rayonunun Sarıbulaq və Salban kənd ibtidai məktəblərinin kollektivləri Bilik günündə dəyərli bayram hədiyyəsi alıblar. Sentyabrın 15-də bu kəndlərdə 40 və 20 şagird yerlik modul tipli məktəb binaları müəllim və şagirdlərin istifadəsinə verilib.
AZƏRTAC xəbər verir ki, bu münasibətlə keçirilən mərasimlərdə rayon icra hakimiyyətinin başçısı İslam Rzayev çıxış edərək, məktəb kollektivlərini əlamətdar gün münasibətilə təbrik edib, onlara yeni dərs ilində uğurlar arzulayıb. Bildirilib ki, əsası ümummilli lider Heydər Əliyev tərəfindən qoyulmuş təhsil islahatları proqramı hazırda Prezident İlham Əliyev tərəfindən uğurla davam etdirilir, təhsilin keyfiyyətinin, maddi-texniki bazasının möhkəmləndirilməsi istiqamətində davamlı iş aparılır. Diqqətə çatdırılıb ki, son illər Balakən rayonunda 32 yeni məktəb binası inşa edilib, 2 məktəb əsaslı təmir olunub.
Həmin gün rayonun 48 ümumtəhsil məktəbində, həmçinin inteqrasiya təlimli internat tipli gimnaziyada yeni dərs ilinin başlanması münasibətilə ilk zəng mərasimləri keçirilib. Yeni dərs ilində rayonun məktəblərində 11 min 800 şagird təhsil alacaq. Onların təlim-tərbiyəsi ilə 1620 nəfər müəllim məşğul olacaq.
Bölmənin digər xəbərləri
