17 İYUN DÜNYA SƏHRALAŞMAYA QARŞI MÜBARİZƏ GÜNÜDÜR
Bakı, 17 iyun (AZƏRTAC). 17 İyun - Dünya Səhralaşmaya Qarşı Mübarizə Günüdür. Səhralaşmanın qlobal ekoloji problemin olduğu nəzərə alınaraq BMT-nin Baş Assambleyası tərəfindən 1994-cü ildə 17 iyun tarixi Dünya Səhralaşmaya Qarşı Mübarizə Günü elan olunmuşdur.
Azərbaycan ölkənin ekoloji durumunun yaxsılaşdırılmasını, təbii resurslardan səmərəli və ziyansız istifadə olunmasını, o cümlədən milli maraqları nəzərə alaraq 1998-ci il aprelin 24-də “Səhralaşmaya qarşı mübarizə” Beynəlxalq Konvensiyasına qoşulmuşdur.
Qeyd edək ki, torpaqların ekstensiv istifadəsi, heyvandarlığın kifayət qədər yem bazası ilə təmin olunmaması, mal-qaranın sürətlə artması səbəbindən mövcud otlaqların, meşə ərazilərinin həddən artıq istismarı, suvarma rejiminə düzgün riayət edilməməsi, hidrotexniki qurğuların sıradan çıxması, kimyəvi çirklənmə, şoranlaşma, eroziya proseslərinin sürətlənməsi və sel sularının təsirinin artması səhralaşmaya səbəb olur.
Bölmənin digər xəbərləri
