2005-Cİ İL DÜNYADA MÜŞAHİDƏLƏRİN APARILDIĞI BÜTÜN DÖVR ƏRZİNDƏ ƏN İSTİ İL OLMUŞDUR

17.12.2005 [21:05]
Çap et
A⁺ A^-

Yola salmaqda olduğumuz il XVIII əsrin ortalarından fasiləsiz olaraq aparılan meteoroloji müşahidələrin tarixində ən isti il sayılır. BMT-nin xüsusi proqramı üzrə işləyən alimlərin fikrincə, 2005-ci ildə havanın orta temperaturu əvvəlki illərə nisbətən Selsi ilə 0,5 dərəcə yüksək olmuşdur. Bununla da bir çox mütəxəssislərin bəşəriyyətin sənaye sahəsində fəaliyyəti nəticəsində atmosferin qızması ilə bağlı fikirləri təsdiqlənmişdir.

Bu il dünyada iqlimin qeyri-sabitliyi ilə də fərqlənmişdir. Məsələn, cari ildə Şimali Afrikada görünməmiş hadisə baş vermişdir. Əlcəzairdə Selsi ilə 50 dərəcə isti qeydə alındığı halda, həmin anda qonşu Mərakeşdə temperatur mənfi 15 dərəcəyə enmişdir.

Atlantik okeanında soyuq və isti cərəyanların paylanması tarazlığının pozulması prosesi də artır. ABŞ-ın cənub-şərqində və Meksika körfəzi sahillərində tez-tez və güclü qasırğaların və siklonların baş verməsi, habelə Qolfstrim isti cərəyanının zəifləməsi də bunun nəticəsidir. Son 20 ildə bu cərəyan öz energetik gücünün 30 faizini itirmişdir ki, bu da Qərbi Avropa ölkələrində və ilk növbədə, Böyük Britaniyada yüzilliklər boyu görünməmiş soyuqların başlanması təhlükəsini yaradır.

2005-Cİ İL DÜNYADA MÜŞAHİDƏLƏRİN APARILDIĞI BÜTÜN DÖVR ƏRZİNDƏ ƏN İSTİ İL OLMUŞDUR

MÜƏLLİFLƏ ƏLAQƏ

Bölmənin digər xəbərləri