2008-Cİ İLDƏ TÜRKMƏNİSTANDA GƏNCLƏRİN NÜMAYƏNDƏSİ PREZİDENT SEÇİLƏ BİLƏR
AZƏRTAC-ın xüsusi müxbiri xəbər verir ki, Aşqabadda Məhtumqulu adına Türkmənistan Gənclər Təşkilatının III qurultayı keçirilir. Qurultayda çıxış edən Türkmənistan Prezidenti Saparmurad Niyazov demişdir ki, Türkmənistan gəncləri dövləti idarə etməyə hazır olmalıdır. Onun sözlərinə görə, 2008-ci ildə keçiriləcək prezident seçkilərində gənclərin nümayəndəsi dövlət başçısı seçilə bilər.
Qeyd edək ki, 1999-cu ildə ölkənin ali orqanının - Xalq Məsləhətinin qərarı ilə S.Niyazov Türkmənistanın ömürlük Prezidenti elan olunmuşdur.
Qurultayda təşkilatın nizamnaməsində dəyişikliklər edilmiş və onun yeni rəhbərli seçilmişdir.
Bölmənin digər xəbərləri
