Bakı, 21 sentyabr, AZƏRTAC

2024-cü ildə icmal büdcənin gəlirləri 38 milyard 578,1 milyon manat səviyyəsində proqnozlaşdırılıb ki, bu da ötən ilin təsdiq olunmuş göstəricisinə nəzərən 4 milyard 482,1 milyon manat və ya 10,4 faiz azalma deməkdir.

AZƏRTAC Maliyyə Nazirliyinə istinadla xəbər verir ki, icmal büdcə xərcləri isə növbəti ildə 41 milyard 956,8 milyon manat nəzərdə tutulub. Bu, 2023-cü ilin təsdiq olunmuş göstəricisi ilə müqayisədə 686,9 milyon manat və ya 1,7 faiz çoxdur. 2024-cü il üzrə icmal büdcədə 3 milyard 378,7 milyon manat büdcə kəsri (defisit) olacağı proqnozlaşdırılıb.