20 Yanvar xalqımızın azadlıq səsini ucaltdığı şanlı tarixdir
Bakı, 20 yanvar, Aynur İsmayılova, AZƏRTAC
20 Yanvar - tariximizin qanlı və şanlı səhifəsidir. Çünki bütün dünya xalqımızın qəhrəmanlığının, mübarizliyinin, azadlıq ruhunun yenilməzliyinin şahidi oldu. Sovet ordusunun qarşısına silahsız, əliyalın çıxaraq canlarından keçən qəhrəman oğullarımız şəhidlik zirvəsinə ucaldılar.
Bu sözləri yanvarın 20-də Şəhidlər xiyabanına ziyarətə gələn Bakı sakini Ələddin Əsgərov AZƏRTAC-a müsahibəsində söyləyib.
Ə.Əsgərov deyib: “20 Yanvar xalqımızın tarixinə təkcə Ümumxalq Hüzn Günü kimi deyil, həm də qəhrəmanlıq salnaməsi kimi həkk olunub. Qanlı Yanvar böyük bir xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şanlı tarixdir. Biz Qanlı Yanvar tarixini, şəhidlərimizi heç vaxt unutmamalıyıq”.
Bölmənin digər xəbərləri
