Təhsil naziri: Bu il STEAM yay məktəbləri təşkil olunacaq VİDEO
Tovuz, 21 aprel, Ruslan Novruzoğlu, AZƏRTAC
Bu il STEAM yay məktəbləri təşkil olunacaq.
AZƏRTAC xəbər verir ki, bunu Tovuzda jurnalistlərə açıqlamasında təhsil naziri Emin Əmrullayev bildirib.
Tovuz rayonu Yusif Sadıqov adına Bozalqanlı kənd tam orta məktəbində STEAM Mərkəzinin istifadəyə verilməsi mərasimində iştirak edən E.Əmrullayev deyib: “Tovuz rayonu üzrə hazırda 3 məktəbdə STEAM layihəsi tətbiq olunur. Layihə rayon üzrə ümumilikdə 240 şagirdi əhatə edir. İnanıram ki, gələcəkdə hər bir rayonda STEAM mərkəzlərini qurmaq imkanımız olacaq. Bu il STEAM yay məktəblərinin keçirilməsini də planlaşdırırıq. Çox istərdik ki, uşaqlar bu mərkəzlərdən fəal şəkildə istifadə etsinlər”.
Bölmənin digər xəbərləri
