31 MART AZƏRBAYCANLILARIN SOYQIRIMI QURBANLARININ XATİRƏSİ İSPANİYADA ANILMIŞDIR
Bakı, 31 mart (AZƏRTAC). 31 mart Azərbaycanlıların soyqırımı günü ilə əlaqədar ölkəmizin İspaniyadakı səfirliyində toplantı keçirilmişdir.
Səfirlikdən bildirmişlər ki, Azərbaycan-türk diasporunun və İspaniya ictimaiyyəti nümayəndələrinin iştirak etdikləri toplantının əvvəlində soyqırımı qurbanlarının xatirəsi bir dəqiqəlik sükutla yad edilmişdir.
Səfir Məmməd Əliyev ermənilərin azərbaycanlılara qarşı törətdikləri soyqırımı haqqında ətraflı məlumat vermiş, bu faciənin Azərbacan xalqının yaddaşından heç vaxt silinməyəcəyini qeyd etmişdir. Azərbaycan xalqının ümummilli lideri Heydər Əliyevin yenidən siyasi rəhbərliyə qayıtdıqdan sonra, ulu öndərimizin qətiyyəti sayəsində 1998-ci il 26 mart tarixli Fərmanı ilə 31 martın azərbaycanlalırın soyqırımı günü kimi dövlət səviyyəsnidə qeyd edilməsi xüsusi vurğulanmışdır.
Toplantı iştirakçıları erməni cəlladlarının azərbaycanlılara qarşı amansızcasına törətdikləri bu vəhşilikləri pisləmiş və bu cinayətlərin dünya ictimaiyyətinin diqqətinə çatdırmağa çalışacaqlarını bildirmişlər.
Toplantı iştirakçılarına soyqırımını əks etdirən materiallar paylanılmışdır.
Bölmənin digər xəbərləri
