Pakistan kosmosun sülh şəraitində tədqiqi sahəsində əməkdaşlığı genişləndirməyə hazırdır VİDEO
Bakı, 24 aprel, AZƏRTAC
Pakistan kosmosun sülh şəraitində tədqiqi sahəsində əməkdaşlığı genişləndirməyə hazırdır.
AZƏRTAC xəbər verir ki, bunu Pakistanın Kosmik və Üst Atmosfer Tədqiqatları Komissiyasının (SUPARCO) sədri Məhəmməd Yusuf Xan Bakıda keçirilən Kosmik Texnologiyalar Konfransı (STC2025) çərçivəsində birinci panel sessiyada çıxışı zamanı deyib.
“Qlobal kosmik iqtisadiyyat 2023-cü ildəki 630 milyard dollardan 2025-ci ilədək 1,8 trilyon dollara qədər təsirli artım nümayiş etdirib. Bu, peyk rabitəsi, Yerin müşahidəsi, naviqasiya və süni intellekt əsasında xidmətlərdəki innovasiyalardan irəli gəlir. Kosmos artıq iqtisadi rəqabət qabiliyyətinin və davamlı inkişafın əsasıdır”, - deyə Məhəmməd Yusuf Xan bildirib.
Məhəmməd Yusuf Xan qeyd edib ki, texnologiyaların və iqtisadiyyatların inkişaf etdiyi Mərkəzi Avrasiyanın bu yeni reallıqda mühüm rol oynamaq üçün hər cür şansı var.
Bölmənin digər xəbərləri
