Belçika səfiri: Bakı ilə İrəvan arasında Vaşinqton razılaşmaları regional yükdaşımalarının əhəmiyyətini artıracaq VİDEO
Bakı, 10 sentyabr, AZƏRTAC
Bakı ilə İrəvan arasında son razılaşmalar regional yükdaşımalarının əhəmiyyətini artıracaq.
AZƏRTAC xəbər verir ki, bu fikri Belçikanın Azərbaycandakı səfiri Jülyen de Frepon 2025-ci il Qara dəniz – Xəzər Logistika Forumunda (“Black and Caspian Freight Forum – 2025”) ifadə edib. O, cari il avqustun 8-də Vaşinqtonda imzalanan sənədləri nəzərdə tutub.
Səfirin sözlərinə görə, Avropa İttifaqı regionda nəqliyyat dəhlizlərinin inkişafını dəstəkləyir və Aİ-nin üzvü olan Belçika da bu layihələrdə fəal iştirak etmək istəyir. O əlavə edib ki, Belçika yaşıl energetika və logistika sahələrində öz təcrübəsini bölüşməyə hazırdır.
Diplomat vurğulayıb: “Bu strateji tərəfdaşlığın sayəsində region öz logistika imkanlarını xeyli möhkəmlədə bilər”.
Bölmənin digər xəbərləri
