3x3 basketbol: "Neftçi" qrupdakı ilk iki oyununda qələbə qazanıb
Bakı, 2 iyul, AZƏRTAC
İyulun 2-3-də İsrailin Netanya şəhərində 3x3 basketbol üzrə keçirilən Dünya Qadın Seriyasının növbəti mərhələsi çərçivəsində ilk oyun gününün görüşləri davam edir.
AZƏRTAC xəbər verir ki, turnirdə ölkəmizi təmsil edən "Neftçi" klubu qrupun ilk oyununda Niderland millisi ilə üz-üzə gəlib və rəqibini 17-14 hesabı ilə məğlubiyyətə uğradıb.
"Neftçi" qrupda növbəti oyununu Macarıstanın "Qyor" klubuna qarşı keçirib və bu matçdan da qalib ayrılıb - 18:14.
Təmsilçimizin qrupda sonuncu oyununu Bakı vaxtı ilə saat 22:05 -də Litva millisinə qarşı olacaq.
Qeyd edək ki, "Neftçi" qrupu lider bitirərsə, birbaşa yarımfinala, ikinci və ya üçüncü yerlərdə tamamlayacağı təqdirdə isə dörddəbir finala vəsiqə qazanacaq.
Bölmənin digər xəbərləri
