® Dəyərli və təkrarolunmaz – “Rolls-Royce Motor Cars Baku Bespoke” fərdiləşdirmə proqramı barədə məlumat təqdim edir VİDEO
“Rolls-Royce Motor Cars Baku” 2 iyun 2026-cı il tarixində xüsusi bir tədbirə ev sahibliyi etdi. “Goodwood”da yerləşən “Rolls-Royce”un əsas məkanından gələn azsaylı müstəsna sənətkarlardan biri öz sənəti haqqında məlumat verdi və “Rolls-Royce” avtomobilini seçim siyahısından kənarda fərdiləşdirmək və özünəməxsuslaşdırmaq üçün mövcud olan unikal imkanları nümayiş etdirdi.
“Bespoke” müştərinin baş dayağına tikilmiş baş hərflərindən, unikal rənglərdən, xüsusiyyətlərdən və bütöv mövzulardan ibarət ola bilər – hər bir müştəri sifarişi həyatda baş verən əlamətdar hadisələri və anları, məkanları və insanları əks etdirir. Bu baxımdan “Rolls-Royce” boş bir kətandır və bu da sifariş prosesini müştəri üçün mənalı edir.
“Goodwood”dan olan İnteryer Səthləri üzrə mütəxəssis İlayda Özaltan öz sənətini və müştərilərin arzularını reallığa çevirmək üçün tələb olunan yaradıcılığı təqdim etdi. Onun iştirak etdiyi ən son şah əsərlərdən biri 2025-ci ildə təqdim olunan “Phantom Centenary Collection” olmuşdur.
“Bespoke” dizayn komandası avtomobilin zəngin tarixini araşdırmaq üçün bir ildən çox vaxt sərf edib və onun əfsanəsini formalaşdıran hekayələri üzə çıxarıb. Araşdırma nəticəsində “Phantom”un inkişaf yolunda həlledici anları əks etdirən 77 motiv müəyyən edilib.
“Phantom Centenary” bu günə qədər ən mürəkkəb və texnoloji baxımdan ən iddialı “Private Collection”dır. O, üç il ərzində hazırlanıb və Bespoke kollektivinin 40.000 saatdan artıq birgə əməyinin nəticəsidir. Bu layihədə metal, ağac, boya, parça, dəri və tikmələri birləşdirmək üçün yeni texnikalardan istifadə olunub.
Özaltan şourumda nümayiş etdirilən ən mürəkkəb “Rolls-Royce” ağac işlərinin yaradılmasına rəhbərlik edib və həmçinin üç “Rolls-Royce” “ilk”ini təqdim edib: 3D marquetry, 3D mürəkkəb laylama (ink layering) və 24 karat qızıl yarpaq tətbiqi.
“Bespoke” proqramı “Rolls-Royce Motor Cars Baku”nun biznesi üçün əsasdır, regionda müştərilərə təhvil verilən bütün avtomobillər hansısa “Bespoke” xüsusiyyətinə malikdir. Proqramın cəlbediciliyi bu ilin əvvəlində dilerə “European Bespoke Dealer of the Year” mükafatının verilməsi ilə də öz əksini tapıb. Bu mükafat Avropa regionunda (Birləşmiş Krallıq, Avropa və Mərkəzi Asiya regionu) 23 “Rolls-Royce” dileri arasında əldə olunan diqqətəlayiq biznes göstəricilərinə görə təqdim olunub.
“Improtex Motors”un vitse-prezidenti Vüqar Ələkbərov tədbir zamanı bildirib: “Bu ilin əvvəlində komandamızın “European Bespoke Dealer 2025” mükafatına layiq görülməsindən son dərəcə qürur duyuram. Bu, fərdiləşdirmə və şəxsi yanaşmanın dəyərli müştərilərimiz üçün əsas olduğunu vurğulayır. Biznesimizin hər zaman eksklüziv, “Rolls-Royce” avtomobillərinin isə çox nadir qalması fəlsəfəmizin əsasını təşkil edir”.
“Frank Tiemann”, “Rolls-Royce Motor Cars” şirkətinin Mərkəzi/Şərqi Avropa və Mərkəzi Asiya üzrə Korporativ Kommunikasiyalar direktoru, tədbirdə vurğuladı: “Hər bir “Bespoke” avtomobil öz sahibinin baxışının unikal ifadəsidir və bununla da “Rolls-Royce” sahibliyinin açdığı müstəsna və yüksək dərəcədə fərdiləşdirilmiş təcrübədən zövq alır”,- əlavə etdi: “bu gün burada təkcə bizim nə yaratdığımızı deyil, həm də bunu necə yaratdığımızı paylaşmaq üçün xüsusi bir fürsətdir”.
Bakıda keçirilən tədbirdən sonra bənzər “Bespoke” təqdimat Daşkənd şəhərində də təşkil edildi. Bu tədbir də “Rolls-Royce Motor Cars Baku” tərəfindən ev sahibliyi olundu və dilerin Trans-Qafqaz və Mərkəzi Asiya üzrə müştərilərlə güclü əlaqələri daha da gücləndirmək və qorumaq öhdəliyini vurğuladı.
“Rolls-Royce”un fundamental biznes fəlsəfəsi fərdi və mənalı müştəri təcrübələrinə əsaslanır. Bir lüks brend kimi onun məqsədi müştərilərin gözləntilərini qarşılamaq və onları aşmaqdır – sadəcə “dünyanın ən yaxşı avtomobilini” deyil, həm də sahibinin şəxsiyyətini ən yaxşı əks etdirən avtomobili yaratmaqdır.
Bölmənin digər xəbərləri
