“75 min hektara yaxın ərazi mina və partlamamış sursatlardan təmizlənib” - Vüqar Süleymanov
Ağdam, 11 aprel, Tahir Ağaməmmədov, AZƏRTAC
Ağdam rayonu dirçəlir, bərpa olunur. Hazırda Ağdam rayonunda minatəmizləmə işləri həyata keçirilir. 2022-2023-cü illərdə bu rayonda 18 min hektara yaxın ərazi mina və partlamamış sursatlardan təmizlənəcək. Bu işlər davam etdirilir.
AZƏRTAC-ın bölgə müxbiri xəbər verir ki, bunu Ağdamda jurnalistlərə açıqlamasında Azərbaycan Respublikasının Minatəmizləmə Agentliyinin İdarə Heyətinin sədri Vüqar Süleymanov deyib.
“Ümumilikdə, bu günə qədər 75 min hektara yaxın ərazi mina və partlamamış sursatlardan təmizlənib. Bu təmizləmə əməliyyatları nəticəsində 85 mindən çox mina və partlamamış sursat aşkar olunaraq məhv edilib”, - deyə Vüqar Süleymanov bildirib.
Bölmənin digər xəbərləri
