İDMAN


Ağır atletimiz Tarmenxan Babayev Avropa birinciliyinin qalibi olub

Bakı, 28 iyul, AZƏRTAC

İtaliyada keçirilən 15 və 17 yaşadək yeniyetmə oğlan və qızlar arasında ağır atletika üzrə Avropa birinciliyi başa çatmaq üzrədir.

AZƏRTAC xəbər verir ki, 40-dək ölkədən 388 atletin (169 qız və 219 oğlan) iştirak etdiyi turnirdə Azərbaycan yığmasının daha bir üzvü Tarmenxan Babayev mübarizəyə qoşulub. O, yaşı 17-dək oğlanların 94 kiloqram çəki dərəcəsində yarışında qüvvəsini sınayıb.

Ötən il Kosovoda altı Avropa rekordunu yeniləyərək çempion olan idmançımız bu dəfə də uğurunu təkrarlayıb.

Körpücük üzərinə çıxan atletimiz birdən qaldırma hərəkətində 145 kiloqram nəticə göstərərək gümüş medala yiyələnib. Təkanla qaldırmada 180 kiloqram nəticə göstərən təmsilçimiz bu hərəkətdə bütün rəqiblərini üstələyərək qızıl medal əldə edib.

T.Babayev toplam 325 kiloqram (145+180) nəticə ilə 94 kiloqram çəki dərəcəsində yekun sıralamada birinci yeri tutub və Avropa birinciliyinin ikiqat qalibi olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.