İDMAN


Braziliyalı ciu-citsu ustası Roys Qreysi Bakıda seminar keçib

Bakı, 21 iyul, AZƏRTAC

Əfsanəvi braziliyalı döyüşçü, adı UFC-nin Şöhrət zalına daxil edilmiş ciu-citsu ustası Roys Qreysi Bakıya gəlib.

AZƏRTAC xəbər verir ki, Azərbaycan Ciu-Citsu Federasiyası və “Qodzilla” qrupunun təşkilatçılığı ilə ölkəmizdə səfərdə olan beşqat UFC çempionu paytaxtın ən müasir idman klublarından olan “Judo Club 2012”də seminar keçib.

“Judo Club 2012”nin idman zalında təşkil olunan seminarda R.Qreysi ciu-citsu döyüş sənətinin nəzəriyyəsindən danışıb və idmançılara müxtəlif döyüş fəndlərinin icrasını göstərib.

Tədbirdə tanınmış idmançılarla yanaşı, ölkəmizin döyüş növləri üzrə federasiyalarının rəhbərləri də iştirak edib.

Qeyd edək ki, braziliyalı ciu-citsu ustası Roys Qreysi idmanın bu növünün dünyada tanınmasında böyük rol oynayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.