Cüdoçumuz açıq Avropa kubokundan bürünc medal qazanıb
Bakı, 13 oktyabr, AZƏRTAC
Oktyabrın 12-13-də Estoniyanın paytaxtı Tallinndə cüdo üzrə Avropa açıq kuboku yarışı keçirilib.
AZƏRTAC xəbər verir ki, beynəlxalq turnirdə Azərbaycanı təmsil edən Aleksandra-Larisa Florian mükafatçılar sırasında yer alıb. Qadınlar arasında 57 kiloqram çəki dərəcəsində mübarizə aparan millimizin rumın legioneri yalnız bir görüşdə, turnirin fransalı çempionu Prişila Gnetoya uduzaraq 3-cü yeri tutub. Florian bürünc medal uğrunda qarşılaşmada Almaniya təmsilçisi Nora Bannenberqə qalib gəlib.
Qeyd edək ki, Tokio Olimpiadasına lisenziya xalları verən Tallinn turnirində 35 ölkədən 292 cüdoçu yarışıb.
Bölmənin digər xəbərləri
