İDMAN


Dünya çempionatında daha bir güləşçimiz bürünc medal qazanıb

Bakı, 13 avqust, AZƏRTAC

Estoniyanın paytaxtı Tallinndə gənc güləşçilər arasında dünya çempionatında sərbəst güləş üzrə daha bir təmsilçimiz bürünc medal qazanıb.

AZƏRTAC xəbər verir ki, milli komandanın üzvü Abubakr Abakarov (79 kq) təsəlliverici qarşılaşmalarda əvvəlcə italiyalı Salvatore Diananı mübarizədən kənarlaşdırıb (15:1).

Daha sonra Yaponiya pəhləvanı Yudai Takahaşiyə vaxtından əvvəl qalib gəlib (10:0). Bürünc medal qarşılaşmasında erməni güləşçisi Arman Avaqyanla üz-üzə gələn pəhləvanımız həlledici görüşdən qalib ayrılıb və komandamızın aktivinə növbəti bürünc medalı yazdırıb (6:4).

Bundan əvvəl yığmanın digər üzvü Turan Bayramov (65 kq) dünya çempionatının bürünc medalını qazanıb.

Avqustun 12-də start götürən dünya çempionatı davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.