“Ekspress-C” ASC-nin istiqrazlarının yerləşdirilməsi üzrə hərrac yekunlaşıb
Bakı, 21 yanvar, AZƏRTAC
Yanvarın 21-də Bakı Fond Birjasında (BFB) “Ekspress-C” ASC-nin tədavül müddəti 2 təqvim ili olan AZ2003023606 dövlət qeydiyyat nömrəli, 1 milyon AZN həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.
BFB-dən AZƏRTAC-a bildirilib ki, hərrac zamanı 7 investor tərəfindən yeddi sifariş təqdim edilib. İstiqrazın illik faiz dərəcəsi 12,5 faiz, faiz ödənişləri 3 təqvim ayından bir olmaqla investorlara ödənilir. Sifarişlərin nominal qiymətlə ümumi məbləği və istiqrazların nominal qiymətlə yerləşdirilmiş həcmi 1 milyon AZN təşkil edib. İstiqrazlar 2024-cü il yanvarın 19-da ödəniləcək. Yerləşdirmə üzrə anderrayter “AzFinance İnvestisiya Şirkəti” QSC-dir.
Bölmənin digər xəbərləri
