Azərbaycanlı alim onlayn beynəlxalq konfransda məruzə edib
Bakı, 4 may, AZƏRTAC
AMEA-nın Radiasiya Problemləri İnstitutunun Radiokimya laboratoriyasının rəhbəri, kimya elmləri doktoru Xaqani Məmmədov onlayn beynəlxalq konfransda iştirak edib.
İnstitutdan AZƏRTAC-a bildirilib ki, ABŞ-ın Birləşmiş Elm Qrupunun təşkil etdiyi “Onlayn neft mühəndisliyi toplantısı” adlı beynəlxalq konfransda Azərbaycanla yanaşı, Böyük Britaniya, Çin, Rusiya, Hindistan, İraq və Nigeriyadan dəvət edilmiş alim və sahə mühəndisləri də iştirak ediblər.
Tədbirdə X.Məmmədov “Neft fontanı yanğınının söndürülməsinin effektiv metodu” mövzusunda çıxış edib.
Məruzə ətrafında geniş fikir mübadiləsi aparılıb. Müzakirələrdə neft istehsalı sahələrində elmi metod əsasında pilot və sənaye səviyyələrində qurğular hazırlanmasının məqsədəuyğunluğu vurğulanıb.
Bölmənin digər xəbərləri
