İDMAN


Qadın qılıncoynadanımız dünya çempionatında 13-cü olub

Bakı, 21 iyul, AZƏRTAC

Macarıstanın Budapeşt şəhərində keçirilən qılıncoynatma üzrə dünya çempionatının 6-cı günündə qadın sablyaçıların şəxsi yarışında əsas mərhələyə yekun vurulub.

AZƏRTAC xəbər verir ki, sablyaçılarımızdan Anna Başta 1/32 finalda Almaniya təmsilçisi Li Krugerə 15:10 hesabı ilə qalib gəlib. Anna növbəti mərhələdə İtaliya idmançısı İren Vecci üzərində 15:7 hesablı qələbə qazanmaqla dünyanın 16 ən güclü qadın sablyaçısı sırasına yüksəlib. Anna Başta 1/8 finalda fransalı Sesiliya Berderə 11:15 hesabı ilə uduzub. Anna dünya çempionatında 150-dən çox qadın sablyaçı arasında 13-cü olub. Digər sablyaçımız Valeriya Bolşakova isə 1/32 finalda İtaliya sablyaçısı Rossella Qreqorioya 10:15 hesabı ilə məğlub olub. Valeriya dünya çempionatını 45-ci sırada başa vurub. Digər sablyaçımız Səbinə Kərimova isə 1/32 finalda çinli Yaqi Şaoya 6:15 hesabı ilə uduzub. Səbinə yekun sıralamada 56-cı sırada qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.