Qlobal istiləşmə ilə bağlı proqnozlar əvvəllər təsəvvür olunduğundan daha qorxuludur
Berlin, 18 sentyabr, AZƏRTAC
Son onilliklərdə atmosferdəki metan və CO2-nin yüksək konsentrasiyası Arktika və şimal en dairəsindəki buz örtüklərinin qalınlığının sürətlə azalmasına gətirib çıxarıb. Bu isə yer kürəsində qlobal istiləşmənin sürətlənməsi ilə nəticələnə bilər.
AZƏRTAC xəbər verir ki, Almaniya, Norveç və İsveç alimləri buzların sürətlə əriməsinə karbon qazı tullantılarının təsirini birlikdə öyrəndikdən sonra belə bir həyəcanlı nəticəyə gəliblər. Onların etdiyi xəbərdarlığa görə, yaxın 1-2 onillikdə bəşəriyyət özlərinin də miqyasını təyin edə bilmədiyi qarşısıalınmaz fəlakətlə üzləşə bilər. Bu isə son proqnozların əvvəlkilərdən daha qorxulu olduğunu göstərir.
Alimlər siyasətçiləri karbohidrogenlərin istifadəsini minimuma endirməyə və bərpaolunan enerji mənbələrinə keçməyə çağırırlar. Onlar, həmçinin meşələri qorumaq barədə çağırışlar səsləndirir və müntəzəm olaraq yeni tinglər əkirlər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
