CƏMİYYƏT


Şəhid Emin Bağırov adına küçədə ağacəkmə aksiyası keçirilib

Bakı, 14 aprel, Nicat Məmmədov, AZƏRTAC

Aprelin 14-də şəhid Emin Bağırov adına küçədə ağacəkmə aksiyası keçirilib.

AZƏRTAC xəbər verir ki, aksiya Məşədi Dadaş Məscidinin dini icması və “Mesenat” Xeyriyyə Cəmiyyəti tərəfindən təşkil olunub.

Aksiya paytaxtın Binəqədi qəsəbəsində yerləşən şəhid Emin Bağırov küçəsinin ətrafındakı boş ərazilərdə təşkil olunub. Aksiyada məscidin imamı, ilahiyyatçı hacı Şahin Həsənli, yerli bələdiyyə sədri və Binəqədi Rayon İcra Hakimiyyətinin nümayəndələri iştirak ediblər.

Şahin Həsənlinin sözlərinə görə, Məşədi Dadaş məscidinin dini icması mütəmadi olaraq bu səpkidə ictimai aksiyalar təşkil edir. Belə təşəbbüslərin əsas hədəfi gənclər arasında ətraf mühitin qorunması məsuliyyətini aşılamaq və ictimai faydalı fəaliyyətə rəğbət yaratmaqdır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.