MƏDƏNİYYƏT


Şərq Muzeyində Azərbaycanın sovet dövrünə aid xalça və tikmələri sərgilənəcək

Bakı, 23 yanvar, AZƏRTAC

Moskvada, Dövlət Şərq Muzeyində “Sovet Azərbaycanının əks-sədası. Xalça. Tikmə. Plakat” adlı sərgi açılacaq.

AZƏRTAC “Moskva 24” saytına istinadla xəbər verir ki, bu barədə Moskva merinin və hökumətinin portalı məlumat yayıb.

Sovet illərinin Azərbaycan xalçaları və tikmələrinə fevralın 5-dən martın 1-dək tamaşa etmək mümkün olacaq.

“Ekspozisiyada əlamətdar tarixi hadisələrin dekorativ-tətbiqi sənətə necə təsir etməsi barədə danışılır”, - deyə məlumatda bildirilir.

Qeyd olunur ki, 40 eksponatı özündə birləşdirən sərgidə Azərbaycan Milli Xalça Muzeyinin kolleksiyasına daxil edilən, 1920-1970-ci illərə aid xalçalar təqdim edilir.

Bundan başqa, muzeyə gələnlər Mərcani Fondundan olan plakatları, 1920-1930-cu illərə aid, inqilab dövrünün tikmələrini görə bilərlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.