® “Araz”ın əməkdaşları autizmli uşaqların könüllüsü oldu
“Araz” supermarketlər şəbəkəsinin təşəbbüsü və dəstəyi ilə Dünya Autizm Maarifləndirmə ayı çərçivəsində autizm sindromlu uşaqlar hippoterapiyaya cəlb olunub.
Layihə çərçivəsində aztəminatlı ailələrdən olan 50 autizm sindromlu uşaq “Bakı Golden Horse” Terapevtik Tədris Mərkəzində həftədə 1 dəfə olmaqla 2 ay ərzində atlarla terapiya keçəcəklər. Müalicə növü olaraq hippoterapiyanın seçilməsinə səbəb atlarla ünsiyyətin autizmli uşaqlara müsbət təsir etməsidir.
Peşəkar mütəxəssislər tərəfindən keçirilən terapiyalarda “Araz” supermarketlər şəbəkəsinin əməkdaşları da könüllü olaraq iştirak edirlər.
Veysəloğlu Şirkətlər Qrupuna daxil olan “Araz” supermarketlər şəbəkəsinin bu təşəbbüsü şirkətin Korporativ Sosial Məsuliyyət layihələri çərçivəsində baş tutub.
Veysəloğlu Şirkətlər Qrupu (VŞQ) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Şirkətlər Qrupunun fəlsəfəsi ölkə iqtisadiyyatı və əhali üçün dəyər yaratmaqla qida təhlükəsizliyi və ərzaq təminatının davamlılığına nail olmaqdır.
Bölmənin digər xəbərləri
