® Nahid İbrahimov: Abituriyentlər elə universitetlər seçməlidirlər ki, diplomları Azərbaycanda tanınsın
Bakı, 2 avqust, AZƏRTAC
Hər il on minlərlə tələbə təhsil almaq üçün Azərbaycandan xaricə gedir. Son illərdə gənclərimiz daha çox Rusiya və Türkiyə universitetlərində təhsil almağa meyil edirlər. Xaricdə təhsil qərarını verərkən, bir çox tələbələr qəbul prosesini özləri aparsalar da, demək olar ki, bir o qədər tələbə də bu xidmətin alınması üçün xaricdə təhsil şirkətlərinə müraciət edir.
Xaricdə təhsil şirkətləri daimi yaşanılan ölkədən kənarda təhsil xidmətinin göstərilməsində 3-cü tərəf olub, xaricdə təhsil proqramlarını təşkil edən peşəkar və müstəqil qurumlardır. Belə şirkətlər təşkilati-strukturuna, proqram model və tiplərinə, eləcə də tələbələrə təklif etdikləri xidmət çeşidlərinə görə bir-birilərindən fərqlənir.
“Zenith” xaricdə təhsil şirkətinin təsisçisi və rəhbəri Nahid İbrahimov ölkədən kənarda təhsil almanın yolları və şərtləri barədə AZƏRTAC-a danışıb.
-Nahid bəy, “Zenith” xaricdə təhsil şirkəti tələbələrə hansı imkanları yaradır?
-Əvvəlcə qeyd edim ki, “Zenith” xaricdə təhsil şirkəti xaricdə təhsil sahəsində böyük təcrübəsi olan bir şirkətdir. Şirkətimiz gənclərin xaricdəki ali təhsil müəssisələrində təhsil almağa can atdığı bir zamanda yaradılıb. Bizim göstərdiyimiz xidmət tələbəni arzuladığı və göstəricilərinin uyğun gəldiyi ixtisasa istiqamətləndirmək, universiteti seçmək, lazım olan sənədləri hazırlayıb uyğun universitetə təqdim etmək və ali məktəbə qəbula nail olmaqdır. Artıq 15 ildir ki, şirkətimiz uğurla fəaliyyət göstərir. Bu illər ərzində biz çox uğurlar qazanmışıq, bir çox mükafatlara layiq görülmüşük. Səmərəli əməkdaşlıq məqsədi ilə hər il bizə daha çox xarici universitetlər qoşulur. Bu illər ərzində minlərlə tələbəmiz xaricdə təhsil alıb.
Xaricdə təhsil alıb geri dönən gənclər əllərindəki diplomla işə düzəlməyi, həyatlarını dəyişməyi planlaşdırırlar. Onların bu arzularının boşa çıxmaması üçün biz yalnız akkreditasiyası olan universitetlərlə əməkdaşlıq edirik. Bu gün də Türkiyə, Rusiya, Avropa ölkələrində təhsil alan, həmçinin vətənə qayıtdıqdan sonra diplomları rəsmi olaraq təsdiqlənən tələbələrimiz var. Hazırda xarici ölkədən bacarıqlı mütəxəssis kimi qayıdan gənclərimiz istər dövlət, istərsə də özəl qurumlarda ixtisaslarına uyğun olaraq çalışırlar.
-Bəs xaricdə təhsil şirkətlərinə müraciət edərkən nələrə diqqət etmək lazımdır?
-Yaxşı olar ki, hər bir valideyn ilk növbədə bu işdə təcrübəsi olan şəxslər və ya şirkətlərlə məsləhətləşsinlər. Uşaqlarını xaricə oxumağa göndərən valideynlər ən dəyərli varlıqlarını bizə etibar edirlər. Buna görə də düzgünlük, vicdan və məsuliyyət bizim əsas prinsiplərimizdir. Bizim ixtisaslı mütəxəssislərimiz zəng vuran istənilən şəxsə ətraflı cavab verirlər. İstənilən bir şirkətin keyfiyyətli xidmətini bilmək üçün onun göstərdiyi nəticələrə nəzər yetirmək bəs edir. Bu baxımdan xarici ölkələrdə təhsil alan tələbələrimiz bizim uğurlu fəaliyyətimizin ən yaxşı sübutudur.
Tələbə bizə müraciət edib hansı sahə üzrə və hansı ölkələrdə oxumaq istədiyini deyir. Bunun əsasında biz hansı universitetlərdə bu ixtisasın olduğunu araşdırırıq, həmçinin tələbənin istəyinə əsasən ölkəni seçirik. Universitetlərin qəbul şərtləri bizdə olduğundan tələbəyə istədiyi ixtisas üzrə uyğun ali məktəbdə təhsil almaq üçün hansı prosedurlardan keçməli olduğunu deyirik. Məsələn, universitetə qəbul üçün müsahibə tələbi varsa, ona necə hazırlaşmalı olduğunu, hansı imtahanlardan keçəcəyini, orta məktəb attestatı, yaxud ali məktəb diplomu üzrə orta bal tələbini bildiririk və buna uyğun hərəkət etməsini məsləhət görürük. Diqqət edilməli digər bir məqam isə xaricdə təhsil alan tələbələrin diplomlarının Azərbaycanda tanınması məsələsidir. Günümüzdə bu mövzu öz aktuallığını qorumaqdadır. Şirkətimiz Azərbaycanda diplomları 100% tanınan universitetlərlə əməkdaşlıq edir. Tələbə 4-5 il ərzində təhsil haqqı ödəyir, əlavə xərclər çəkir və bu kifayət qədər böyük məbləğ edir. Ona görə əmin olmalıdır ki, Vətənə qayıtdıqdan sonra diplomu təsdiqlənəcək.
-“Zenith” xaricdə təhsil şirkətinə son illərdə daha çox hansı ölkələrdə təhsillə bağlı müraciət olunur?
-Son dövrlər Rusiya universitetlərinə müraciətlər artıb. Buna səbəb Azərbaycanda yalnız Rusiya universitetlərinin qiyabi təhsil formasının tanınmasıdır. Digər ölkələrdə qiyabi təhsilin tanınmamasının başlıca səbəbi, bu ölkələrdə təhsilin əslində qiyabi yox, distant olmasıdır. Bir daha vurğulamaq istəyirəm ki,ölkəmizdə xarici universitetlərdə distant yolla təhsil alan tələbələrin diplomları birmənalı olaraq tanınmır.
-Bu il hansı yenilikləriniz var?
-Əslində, bu il də ənənəmizə sadiq qalaraq əsas hədəfimiz bizi seçən tələbələrimizi yüksək səviyyədə və keyfiyyətli tədrislə təmin etmək, tələbələrimizi ölkəmizin hüdudlarından kənarda uğurlu gələcəyə hazırlamaqdır. Xüsusilə qeyd etmək istərdim ki, şirkətimiz Moskva İdarəetmə Akademiyasının Azərbaycanda yeganə rəsmi təmsilçisidir. Hazırda bu təhsil ocağında təhsil almaq istəyən tələbələrimiz avqust ayının sonuna qədər qeydiyyatdan keçərlərsə, illik təhsil haqqı 900 ABŞ dolları deyil, 650 ABŞ dolları olacaq. Hüquq, iqtisadiyyat, bank işi, psixologiya və digər ixtisaslar üzrə yerlər mövcuddur. “Zenith” xaricdə təhsil şirkəti tələbələrə yataqxana, transfer və digər dəstək xidmətləri də göstərir. Vurğulamaq istərdim ki, “Zenith” xaricdə təhsil şirkəti tək attestatla, heç bir imtahan nəticəsi tələb olunmadan Rusiya, Ukrayna və Türkiyədə təhsil almaq imkanı yaradır. Avqust ayında müraciət edən abituriyentlərə xidmət haqqında 50% endirim olunacaq.
“Zenith” xaricdə təhsil şirkəti
Əlaqə üçün: (050) 836-50-50
https://www.instagram.com/zenith_xaricde_tehsil/
Bölmənin digər xəbərləri
