ABŞ-DA 11 MİLYON YAŞLI VƏTƏNDAŞ İNGİLİSCƏ OXUYUB-YAZA BİLMİR

16.12.2005 [16:55]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, ABŞ-da 11 milyon yaşlı vətəndaş ingiliscə oxuyub-yaza bilmir. Daha 30 milyon amerikalı yalnız hər hansı sənədi, yaxud bank qəbzini imzalamağı bacarır. Bu cür utandırıcı göstəriciləri ABŞ-ın təhsil naziri Marqaret Spellinqs dekabrın 15-də federal tədqiqatın nəticələrinə istinadla elan etmişdir.

Onun sözlərinə görə, ölkədə 1992-2003-cü illər dövründə təxminən 222 milyon yeniyetmə amerikalının qəzet, kitab, yaxud avtobuslarda gediş qaydalarını oxumaq bacarığında heç bir irəliləyiş müşahidə olunmur.

Spellinqs ölkədə məktəb təhsilində islahat aparmağa çağıraraq demişdir ki, “hətta bir savadsız yaşlı adam ABŞ üçün həddən artıq çoxdur”.

11 milyon tam savadsız amerikalıdan 4 milyonu hətta ingiliscə danışa bilmir. Bunlar, əsasən, Latın Amerikasından və Cənub-Şərqi Asiyadan olan immiqrantlardır.

ABŞ-DA 11 MİLYON YAŞLI VƏTƏNDAŞ İNGİLİSCƏ OXUYUB-YAZA BİLMİR

MÜƏLLİFLƏ ƏLAQƏ

Bölmənin digər xəbərləri