ABŞ-da koronavirusdan ölənlərin sayı 200 min nəfəri keçib
Bakı, 17 sentyabr, AZƏRTAC
ABŞ-da COVID-19 infeksiyasına yoluxan insanların sayı 6 milyon 828 min 301 nəfərə, koronavirus səbəbindən ölənlərin sayı isə 201 min 348 nəfərə çatıb.
AZƏRTAC pandemiyanın statistikasını aparan Worldometer saytına istinadla xəbər verir ki, eyni zamanda, ölkədə 4 milyon 119 min 158 nəfər COVID-19 xəstəliyindən sağalıb. Müalicəsi davam edən 2 milyon 507 min 795 xəstədən 14 min 157-nin vəziyyəti ağır qiymətləndirilir.
Ötən sutka ərzində Birləşmiş Ştatlarda 40 min 154 yeni yoluxma halı qeydə alınıb, 1151 nəfər isə koronavirus səbəbindən həyatını itirib.
ABŞ həm COVID-19 infeksiyasına yoluxma, həm də ölüm hallarının sayına görə dünyada birinci yerdədir.
Qeyd edək ki, mart ayının 11-də Ümumdünya Səhiyyə Təşkilatı yeni koronavirus infeksiyasının yayılmasını pandemiya elan edib.
Bölmənin digər xəbərləri
