ABŞ-dakı Azərbaycan diasporu PBS telekanalına etiraz məktubu göndərmişdir
Bakı, 23 oktyabr (AZƏRTAC). ABŞ-ın PBS (İctimai Yayım Xidməti) kanalında erməni jurnalist Vardan Hovanisyanın Dağlıq Qarabağ münaqişəsinə dair “Müharibə və sülh şəraitində yaşayan insanların əhvalatı” sənədli filminin nümayişi nəzərdə tutulur.
AZƏRTAC xəbər verir ki, bu barədə məlumat əldə edən Amerika Azərbaycanlıları Şurası və Amerika Azərbaycanlıları Cəmiyyəti oktyabrın 20-də PBS rəhbərliyinə və ombudsmana etiraz məktubu göndərmişlər.
Məktubda deyilir ki, bu film PBS tamaşaçılarına tarixi təhrif olunmuş şəkildə çatdıracaqdır.
Azərbaycan diasporu bildirir ki, sənədli film münaqişənin azərbaycanlı qurbanlarının acınacaqlı vəziyyətlərini inkar edir.
Məktubda daha sonra deyilir: “PBS ictimai əsaslarla yaradılmış və vergi ödəyənlərin ödəmələrinə arxalanan bir xidmətdir. Biz sizin sağlam düşüncənizə müraciət edərək, bu sənədli filmi yayımlamamağa çağırırıq”.
Bölmənin digər xəbərləri
