ABŞ Dövlət Departamenti İsrailə tank mərmilərinin mümkün satışını təsdiqləyib
Bakı, 10 dekabr, AZƏRTAC
Vaşinqton İsrailə 106,5 milyon dollar məbləğində tank mərmilərinin mümkün satışını təsdiqləyib.
AZƏRTAC xəbər verir ki, bu barədə Pentaqonun Müdafiə Əməkdaşlıq Agentliyinin bəyanatında deyilir.
Qeyd olunur ki, İsrail rəsmiləri ABŞ-dan 14 min tank mərmisi istəyib. Mərmilər ABŞ ordusunun ehtiyatlarından götürüləcək.
ABŞ-ın Dövlət katibi Antoni Blinken ABŞ Konqresinə bu sursatların İsrailə satılması zərurəti ilə bağlı ətraflı əsaslandırma təqdim edib.
Bu zaman silah və hərbi texnikanın xarici dövlətlərə satışı proqramı tətbiq edilir. Bu seçim ilə alıcının istehsal şirkəti ilə birbaşa əlaqəsi yoxdur və bütün koordinasiya Müdafiə Əməkdaşlıq Agentliyi tərəfindən həyata keçirilir. Bu sxem üzrə Amerika silahlarının alınmasında yalnız xüsusi siyahıda olan ölkələr iştirak edə bilər.
Bölmənin digər xəbərləri
