ABŞ MİLLİ AERONAVTİKA VƏ KOSMİK FƏZANIN TƏDQİQİ AGENTLİYİ MARSOXODU “DÖZÜM” KRATERİNİN İÇƏRİSİNƏ GÖNDƏRİR
AZƏRTAC-ın xarici informasiya agentliklərindən aldığı xəbərə görə, ABŞ-ın Milli Aeronavtika və Kosmik Fəzanın Tədqiqi Agentliyinin (NASA) mütəxəssisləri “Opportyuniti” marsoxodunu “Dözüm” kraterinə endirmək qərarına gəlmişlər. Tədqiqatçıların fikrincə, aparatı yenidən Marsın səthinə qaldırmağın mümkün olmaması ehtimalı yüksək olsa da, marsoxodu kraterə endirməklə əldə edilə biləcək elmi informasiyanın dəyəri “qırmızı planet”in gələcək tədqiqində ondan bir daha istifadə etməyin qeyri-mümkünlüyü ilə bağlı riski doğruldur.
“Opportyuniti” kraterin dibini tədqiq etmək üçün artıq gələn həftənin əvvəlində göndərilə bilər. Aparat orada bir neçə gün işləyəcək, sonra isə tədqiqatçılar onu yamacla yuxarı qaldırmağa cəhd göstərəcəklər.
Xatırladaq ki, “Opportyuniti” və “Spirit” kosmik aparatları Marsın səthini 2004-cü ilin yanvarından tədqiq edir.
Bölmənin digər xəbərləri
