ABŞ neft qiymətləri ilə bağlı proqnozunu endirib
Bakı, 8 iyul, AZƏRTAC
Cari ildə “Brent” markalı xam neftin bir barelinin orta qiymətinin 81,91 dollar olacağı gözlənilir.
AZƏRTAC xəbər verir ki, bu barədə ABŞ-nin Enerji İnformasiya Administrasiyasının (EIA) məlumatında deyilir. Qurumun ötənaykı proqnozu 95,39 dollar idi.
EIA-ya görə, “Light” markalı xam neftin bir barelinin orta qiyməti isə bu il 76,26 dollar olacaq. Əvvəlki proqnoz 88,32 dollar idi.
Gələn il “Brent” neftinin bir barelinin qiymətinin orta hesabla 64,76 dollar, “Light”ın bir barelinin qiymətinin isə 60,76 dollar olacağı proqnozlaşdırılır. Əvvəlki proqnozlar müvafiq olaraq 79,39 dollar və 74,39 dollar idi.
Proqnozlar Hörmüz boğazından neft axınının artması və qlobal neft profisitinin yenidən başlaması gözləntiləri fonunda aşağı istiqamətdə yenidən nəzərdən keçirilib.
Bölmənin digər xəbərləri
