ABŞ Orta Dəhlizdə konkret sərmayələrlə Gürcüstanı və bütün regionu dəstəkləməkdə davam edir
Tbilisi, 21 noyabr, AZƏRTAC
Amerika Birləşmiş Ştatları (ABŞ) Orta Dəhlizdə konkret sərmayələrlə Gürcüstanı və bütün regionu dəstəkləməkdə davam edir.
AZƏRTAC xəbər verir ki, bunu ABŞ-ın Gürcüstandakı səfiri vəzifəsini icra edən Alan Pursel Qara Dəniz Platforması çərçivəsində keçirilən konfransda Orta Dəhlizin əhəmiyyətindən danışarkən söyləyib.
ABŞ-ın Gürcüstandakı səfirliyinin məlumatına görə, Birləşmiş Ştatlar bu istiqamətdə Gürcüstana və bütün regiona konkret sərmayələr, o cümlədən Poti dəniz limanının inkişafına mühüm töhfələr vermək və Gürcüstanın tranzit potensialını Amerika biznes dairələrinə təqdim etməklə dəstəyini davam etdirir.
Alan Pursel ABŞ-ın vasitəçiliyi ilə Ermənistan və Azərbaycan arasında hazırlanmış TRIPP təşəbbüsünün Qara dəniz regionunu daha da gücləndirəcəyini vurğulayıb.
AZƏRTAC-ın xüsusi müxbiri
Tbilisi
Bölmənin digər xəbərləri
