ABŞ və BƏƏ prezidentləri Fələstin-İsrail münaqişəsini müzakirə ediblər
Bakı, 12 oktyabr, AZƏRTAC
Birləşmiş Ərəb Əmirliklərinin (BƏƏ) Prezidenti Şeyx Məhəmməd bin Zayed Əl Nəhyan amerikalı həmkarı Cozef Baydenlə telefon danışığı aparıb.
AZƏRTAC xarici KİV-lərə istinadla xəbər verir ki, prezidentlər İsrail və Fələstindəki vəziyyəti müzakirə ediblər.
Telefon danışığında Fələstin-İsrail münaqişəsi zonasında humanitar dəhlizlərin açılması imkanlarından, eləcə də mülki əhalinin müdafiəsinin təmin edilməsinə yönəlmiş tədbirlərdən danışıblar. Bundan əlavə, iki ölkənin liderləri Yaxın Şərq regionunda sülh, sabitlik və təhlükəsizliyə nail olmaq üçün real siyasi həll yolu tapmağa çalışmağın vacibliyini vurğulayıblar.
Bölmənin digər xəbərləri
