ABŞ Yaxın Şərqdən bəzi diplomatları və hərbçi ailələrini geri çağırıb
Vaşinqton, 12 iyun, AZƏRTAC
ABŞ İranla gərginlik fonunda Yaxın Şərqdən bəzi diplomatları və hərbçi ailələrini geri çağırıb.
AZƏRTAC-ın CNN-ə istinadən verdiyi məlumata görə, ABŞ Dövlət və Müdafiə Departamentləri Yaxın Şərq ətrafındakı yerlərdən qeyri-vacib personalın təxliyəsini təşkil edib. Bu addım Yaxın Şərqdə artan gərginlik fonunda atılıb. Müdafiə katibi Pit Heqset hərbi qulluqçuların Yaxın Şərqdəki yerləri könüllü şəkildə tərk etməsinə icazə verib.
ABŞ Dövlət Departamenti həmçinin, ABŞ-ın İraq, Bəhreyn və Küveytdəki səfirliklərinin qeyri-vacib işçilərinin bölgədə artan təhlükəsizlik riskləri səbəbindən ölkədən getməsinə göstəriş verməyə hazırlaşır.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
