Abşeron Milli Parkında “Konstitusiya və Suverenlik İli”nə həsr olunmuş tədbir keçirilib
Bakı, 5 may, AZƏRTAC
Abşeron Milli Parkında “Konstitusiya və Suverenlik İli” çərçivəsində gənc rəssamların iştirakı ilə “Vətənimin seyrinə” adlı yaradıcılıq günü təşkil olunub.
Ekologiya və Təbii Sərvətlər Nazirliyinin mətbuat xidmətindən AZƏRTAC-a verilən məlumata görə, tədbir Abşeron Milli Parkı, 11 saylı Regional Ekologiya və Təbii Sərvətlər İdarəsi və Metost.art yaradıcılıq evinin birgə təşkilatçılığı ilə Xəzərin sahilində açıq havada keçirilib.
Yaradıcılıq günündə yeniyetmə və gənc rəssamlar Vətənimizin suverenliyini, milli parkın dəniz mənzərəsini, dalğalı sahillərini, quru ilə suyun birləşdiyi Şahdilinin ecazkar peyzajını və biomüxtəliflik mövzularını əhatə edən maraqlı rəsmlər çəkiblər.
Daha sonra gənc rəssamlar Şahdili burnuna ekskursiya ediblər.
Bölmənin digər xəbərləri
