AFFA GƏNC QIZLARDAN İBARƏT YIĞMA FUTBOL KOMANDASINI MÜKAFATLANDIRMIŞDIR
Bakı, 28 sentyabr (AZƏRTAC). Avropa çempionatının ilkin seçmə mərhələsində uğurlu çıxış edərək növbəti mərhələyə vəsiqə qazanmış 19 yaşadək qızlardan ibarət Azərbaycan yığmasının üzvləri sentyabrın 28-də AFFA tərəfindən mükafatlandırılmışlar.
Futbol Akademiyasında keçirilən görüşdə AFFA-nın birinci vitse-prezidenti Rauf Əliyev və baş katib Elxan Məmmədov iştirak etmişlər.
Xatırladaq ki, 19 yaşadək qızlardan ibarət Azərbaycan yığması Avropa çempionatının ilkin seçmə mərhələsi çərçivəsində keçirdiyi ilk oyunda İspaniya yığmasına 0:2 hesabı ilə məğlub olmuş, Ukrayna və Kipr komandaları üzərində isə, müvafiq olaraq, 1:0 və 8:0 hesabı ilə qələbə qazanmışdı.
Bölmənin digər xəbərləri
