Ağacların kəsilməsinə göstəriş verən vəzifəli şəxs cərimələndi
Bakı, 14 iyul, AZƏRTAC
Ekologiya və Təbii Sərvətlər Nazirliyinin (ETSN) “Qaynar xətt”inə Xətai rayonu, Məhəmməd Hadi-41 ünvanında ağacların kəsilməsi ilə bağlı şikayət daxil olub. Şikayət ETSN-in əməkdaşları tərəfindən yerində araşdırılıb.
Nazirliyin mətbuat xidmətindən AZƏRTAC-a verilən məlumata görə, araşdırma zamanı həmin ünvanda müxtəlif cinsli ağac və kol bitkilərinin “Ressan” MMC-nin direktoru Mahir İsmayılovun göstərişi əsasında qanunsuz kəsilməsi faktı aşkarlanıb. Faktla bağlı İnzibati Xətalar Məcəlləsinin müvafiq maddəsinə uyğun olaraq akt və protokol tərtib edilərək “Ressan” MMC-nin direktoru vəzifəli şəxs qismində 10 min manat məbləğində cərimələnib.
Bölmənin digər xəbərləri
