Ağcabədidə baş verən avtomobil qəzasında bir nəfər ölüb, üç nəfər yaralanıb
Ağcabədi, 11 yanvar, AZƏRTAC
Ağcabədi rayonunda yol-nəqliyyat hadisəsi baş verib. Qəza zamanı bir nəfər ölüb, 3 nəfər yaralanıb.
AZƏRTAC-ın bölgə müxbiri xəbər verir ki, səhər saatlarında Ağcabədi rayonunun Muğanlı kənd sakini, 1996-cı il təvəllüdlü Quliyev Ayxan Elçin oğlunun idarə etdiyi “Mercedes” markalı avtomobillə Hindarx qəsəbə sakini, 1988-ci il təvəllüdlü Cəfərov İsa Mirələm oğlunun idarə etdiyi “LADA 2170” markalı avtomobil toqquşub. Qəza nəticəsində hər iki sürücü və “LADA 2170”-in sərnişini, Hindarx qəsəbə sakini, 1963-cü il təvəllüdlü Verdiyeva Şəhla Şəmil qızı xəsarət alıb, digər sərnişin 1972-ci il təvəllüdlü Abbasov Rəşadət Allahverdi oğlu ölüb.
Faktla bağlı araşdırma aparılır.
Bölmənin digər xəbərləri
