Ağdaşda çəltik əkini davam edir
Ağdaş, 25 iyun, AZƏRTAC
Ağdaş rayonunda çəltik əkini davam edir və artıq 565 hektarda əkin aparılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, hazırda 15 ərazi icra nümayəndəliyində çəltik əkilir. Torpaq mülkiyyətçiləri keyfiyyəti ilə seçilən və yerli bazarlarda böyük tələbat olan bu məhsulun yetişdirilməsində çox maraqlıdırlar. Təsadüfi deyildir ki, bir sıra ərazilərdə ailə fermer təsərrüfatları və fiziki şəxslər çəltik əkini sahələrini genişləndirməkdədirlər. Bu mövsümdə Orta Ləki ərazi dairəsində çəltik əkini sahələri 150 hektara çatdırılıb. Habelə, Yenicədə 55 hektardan çox, Nemətabadda 46 hektarda əkin aparılıb.
Bölmənin digər xəbərləri
