Ağırlıqqaldırma üzrə Azərbaycan millisinin üzvləri Vətənə qayıdıblar
Bakı, 14 dekabr, AZƏRTAC
Qətərin paytaxtı Dohada keçirilmiş Beynəlxalq Ağırlıqqaldırma Federasiyasının II Qran-Pri yarışında iştirak edən Azərbaycan yığmasının üzvləri Vətənə dönüblər.
AZƏRTAC xəbər verir ki, komanda Heydər Əliyev Beynəlxalq Aeroportunda coşquyla qarşılanıb. Onları qarşılamağa çox sayda ağırlıqaldırmasevərlər, digər milli komandaların üzvləri, valideynlər, idmançıların yaxınları, mütəxəssislər və federasiya rəsmiləri gəliblər.
“Paris-2024” Yay Olimpiya Oyunlarına lisenziya xarakterli turnirdə atletlərdən Dadaş Dadaşbəyli fərqlənib. 109 kiloqram çəki dərəcəsində çıxış edən idmançı birdən qaldırmada 176 kiloqramı ram edib və bu hərəkətdə qızıl medal qazanıb. O, təkanla qaldırma hərəkətində isə 212 kiloqramı başı üzərinə qaldıraraq gümüş medala sahib çıxıb. Toplam 388 (176+212) kiloqram nəticə göstərən D. Dadaşbəyli yekun sıralamada da hamını qabaqlayıb və öz çəkisində çempion olub.
Bölmənin digər xəbərləri
