Ağstafa rayon sakininin evindən oğurluq edən şəxs saxlanılıb
Bakı, 15 iyul, AZƏRTAC
Ağstafa Rayon Polis Şöbəsinə rayonun Aşağı Göycəli kənd sakini 83 yaşlı C.Əliyevanın yaşadığı evə girən maskalı şəxsin onu balta və bıçaqla hədələyərək 10 manat məbləğində pulunu, qızıl üzüyünü və sırğasını aldığı, sonradan otağın döşəməsini yandırıb getməsi barədə məlumat verilib.
Daxili İşlər Nazirliyinin mətbuat xidmətindən AZƏRTAC-a bildiriblər ki, yanğın söndürülüb və quldurluq əməlini törətməkdə şübhəli bilinən kənd sakininin saxlanılması istiqamətində əməliyyat-axtarış tədbirlərinə başlanılıb. Görülən tədbirlər nəticəsində həmin şəxsin əvvəllər məhkum edilmiş Ş.Heydərov olduğu müəyyənləşdirilib və o saxlanılıb.
Faktla əlaqədar Cinayət Məcəlləsinin 181.1-ci (quldurluq) maddəsi ilə cinayət işi başlanıb.
Bölmənin digər xəbərləri
